پاۆلوداردا تەلەفوننان شىققان ٶرتتەن قىزدىڭ باسىن كٷيٸك شالدى.تٸلسٸز جاۋ جاتىن بٶلمەنٸ تولىق شارپىعان, دەپ حابارلايدى Pavlodarnews.kz.
وبلىستىق تٶتەنشە جاعدايلار دەپارتامەنتٸنٸڭ مەلٸمدەۋٸنشە, وقيعا 19 تامىز كٷنٸ ساعات 10:20-دا نۇركين كٶشەسٸ, 116 مەكەنجايىنداعى 2 قاباتتى تۇرعىن ٷيدە ورىن العان.
«ەكٸنشٸ قاباتتاعى پەتەردٸڭ جاتىن بٶلمەسٸندە ٶرت شىعىپ, ٷي زاتتارى مەن جيھازدار جانعان. جالىن 20 شارشى مەتر اۋماقتى شارپىدى. ساعات 11:00-دە ٶرت تولىعىمەن جويىلدى. وقيعا ورنىنان 2002 جىلى تۋعان قىز اۋرۋحاناعا جەتكٸزٸلدٸ. قىزدىڭ باسىن 30 پايىز كٷيٸك شالعان», - دەدٸ قالالىق تج باسقارماسىنىڭ باسشىسى م.ا. تٸلەكجان گالياموۆ.
دەپارتامەنتتٸڭ حابارلاۋىنشا, ٶرتتٸڭ شىعۋىنا ەلەكتر قۇرالدارىن قولدانۋ كەزٸندە ٶرت قاۋٸپسٸزدٸگٸ ەرەجەسٸن بۇزۋ سەبەپ بولعان. «زارداپ شەككەن قىز ۇيىقتاپ قالعان. ۇيالى تەلەفونى قۋاتتاۋ كٶزٸنە قوسىلىپ, تٶسەكتە جاتقان. شىققان ٶرتتەن الدىمەن ماتراس جانعان» , - دەدٸ دەپارتامەنتتە.
وقيعا ورنىنا ٶرت سٶندٸرۋشٸ جەكە قۇرامنىڭ 16 ادام مەن 5 تەحنيكاسى, مەديتسينالىق كٶمەكتٸڭ 3 ادام مەن 1 تەحنيكاسى جۇمىلدىرىلدى.
