Foto: «Shyǵys» óńirlik qolbasshylyǵynyń baspasóz qyzmeti
Pavlodar oblysy boiynsha Qylmystyq-atqarý júiesi departamentine qarasty № 45 túzetý mekemesinde sottalǵandarǵa tyiym salynǵan zattardy zańsyz jetkizý áreketi áshkerelendi, dep habarlady baspasóz qyzmeti.
«Shyǵys» óńirlik qolbasshylyǵynyń baspasóz qyzmetinen habarlaǵandai, sottalǵandarǵa arnalǵan sálemdemeler men banderolderdi tekserý barysynda 6679 áskeri bóliminiń áskeri jasaǵy muqiiat jasyrylǵan uialy telefon men birneshe SIM-kartany taýyp alǵan.
— Ulttyq ulan qyzmetkerleriniń qyraǵylyǵy arqasynda mekeme aýmaǵyna uialy bailanys quraldarynyń ótip ketýine jol berilmedi. Bul zattar mekeme qaýipsizdigine qater tóndirýi múmkin. Atalǵan derek boiynsha qyzmettik tekserý júrgizilip jatyr. Jiberýshi men quqyqbuzýshylyqqa qatysy bar adamdar anyqtalýda, — dep málimdedi baspasóz qyzmetinen.
Qylmystyq-atqarý júiesiniń mamandary sottalǵandarǵa uialy telefon, SIM-karta jáne ózge de tyiym salynǵan zattardy jetkizý zańǵa qaishy jáne ákimshilik nemese qylmystyq jaýapkershilikke ákelýi múmkin ekenin eskertedi.
