Oblystaǵy epidemiologiialyq jaǵdaiǵa bailanysty óńirdegi týristik maýsymnyń ashylýy 15 maýsymnan bastap belgisiz merzimge qaldyryldy. Týristik nysandardyń jumysy da áli bastalǵan joq, - dep habarlaidy Týrizm jáne sportty damytý basqarmasy.
Pavlodar oblysynyń turǵyndary men qonaqtarynan jaǵdaiǵa túsinistikpen qaraýdy jáne demalys aimaqtary men halyq kóp jinalatyn oryndarǵa barmaýdy suraimyz.
Týristik maýsymnyń bastalǵany týraly aqparat qosymsha jariialanatyn bolady.
Aita ketsek, ótken aptada, 1 - 7 maýsym aralyǵynda Pavlodar oblysynda koronavirýs juqtyrǵan 76 adam tirkelip, naýqastardyń sany 36,7%-ǵa artty. Oblysta karantin sharalaryn jeńildetýdiń kelesi kezeńi juqtyrý qarqyny 5 paiyzǵa deiin tómendegende júzege asyrylady dep josparlanyp otyr.
