Foto: instagram.com/pavlodar_tjd
Pavlodar men qala mańyndaǵy aýyldarda jergilikti aýqymdaǵy tabiǵi sipattaǵy TJ rejimi jariialanady, - dep habarlaidy Tengrinews.kz saity.
Pavlodar ákimi Hasar Habylbekov qol qoiǵan sheshim jobasy "Ashyq NQA" portalynda jariialandy.
"Pavlodar, Pavlodar qalasy Lenin kentiniń, Pavlodar qalasy Jetekshi, Moiyldy, Pavlodar aýyldarynyń jáne Pavlodar qalasy Kenjekól aýyldyq okrýginiń aýmaǵynda jergilikti aýqymdaǵy tabiǵi sipattaǵy tótenshe jaǵdai jariialansyn", - delingen jazbada.
Pavlodar ákimdigi ótken demalys kúnderi oblysta bolǵan daýyldyń saldaryn joiý úshin jergilikti aýqymdaǵy tabiǵi sipattaǵy TJ jariialanatynyn rastady.
Jobanyń qoǵamdyq talqylaýy 21 qarashada aiaqtalatyny habarlandy. Pavlodarlyq kommýnaldyq qyzmetter daýyl saldaryn joiýdy jalǵastyryp jatyr.
Oblys TJD málimetinshe, qazir óńirde 33 aýyl elektr qýatynsyz qalyp otyr. Zalal kólemi áli de eseptelip jatyr.
