Foto: pexels
Pavlodardyń tórt turǵyny toptasyp qyz zorlaǵany úshin sottaldy. Olardyń úsheýi kinásin moiyndamaǵan, bireýi jartylai moiyndady, - dep habarlaidy Tengrinews.kz portaly Pavlodarnews.kz saityna silteme jasap.
№2 qalalyq sotta aldyn ala sóz bailasý arqyly zorlaý deregi boiynsha úkim shyǵaryldy. Istiń mán-jaiy belgisiz, sot otyrysy jabyq túrde ótti. Sotta tórt aiyptalýshy boldy: olardyń ekeýi - 31 jasta, qalǵany - 30 jasta.
Sottyń baspasóz qyzmeti málimetinshe, prokýror aiyptalýshylardyń birin 11 jyl alty aiǵa, ekeýin 11 jylǵa, al bireýin toǵyz jylǵa bas bostandyǵynan aiyrýdy suraǵan. Jábirlenýshi men onyń ókili úsh aiyptalýshyǵa eń aýyr jaza taǵaiyndaýdy talap etti, olar tórtinshisine keshirim bergen, al ol bolsa óz kinásin ishinara moiyndaǵan.
Sot aldyn ala sóz bailasý arqyly toptasyp zorlaý toǵyz jyldan 12 jylǵa deiin bas bostandyǵynan aiyrý jazasyn qarastyratynyn eske saldy. Sottalýshylardyń biriniń jazasyn jeńildetetin mán-jai balanyń bolýy, ekinshisi úshin kinásin ishinara moiyndaý boldy. Pavlodarlyqtardyń qylmysty mas kúide jasaǵany jazany aýyrlatatyn mán-jai dep tanylǵan.
"Qylmystyń qoǵamdyq qaýiptilik dárejesin jáne sottalýshylardyń jeke basyn eskere otyryp, sot A.A.-ny toǵyz jyl bir aiǵa, I.M., G.E. jáne M.D.-ǵa toǵyz jyl bas bostandyǵynan aiyrý týraly úkim shyǵardy", - dedi №2 sottyń baspasóz qyzmeti ókilderi.
Úkim zańdy kúshine engen joq.
