2021 jylǵy 31 mamyrda Pavlodar qalasynda saiasi qýǵyn – súrgin jáne asharshylyq qurbandaryn eske alý kúnine arnalǵan Qazaqstan halqy Assambleiasynyń «TARIHTAN TAǴYLYM - ÓTKENGE TAǴZYM» atty jyl saiynǵy halyqaralyq jobasynyń is-sharalar kesheni ótti, - dep habarlaidy "Ult aqparat".
Is-sharaǵa Qazaqstan halqy Assambleiasy tóraǵasynyń orynbasary M.Ázilhanov, Pavlodar oblysynyń ákimi A.Sqaqov, QR Parlamenti Májilisiniń depýtattary V. Nabiev, N. Dementeva, ortalyq memlekettik organdardyń, halyqaralyq uiymdardyń ókilderi, ǵylym jáne mádeniet qairatkerleri, sarapshylar, qoldanbaly etnosaiasi zertteýler institýtynyń lektorlary, QHA ǵylymi-sarapshylyq keńesiniń kafedralarynyń jastar birlestikteriniń músheleri, deportatsiialanǵan jáne qýǵyn-súrginge ushyraǵan otbasylardyń urpaqtary qatysty.
«Qazaqstan Respýblikasynyń Táýelsizdigi: tarih jáne estelik» ǵylymi-praktikalyq forým barysynda spikerler QR Tuńǵysh Prezidenti – Elbasy N.Á. Nazarbaevtyń saiasi qýǵyn-súrgin jáne asharshylyq qurbandaryna qatysty tarihi ádilettilikti qalpyna keltirýdegi rólin, jalpyulttyq toptastyrýshy tarihi sanany odan ári saqtaý jáne taratý jáne tájiribeni bolashaq urpaqqa berýde azamattyq sektor men memlekettiń kúsh-jigerin biriktirý qajettiligi jáne t.b. talqylandy.
Marat Ázilhanovtyń aitýynsha «TARIHTAN TAǴYLYM - ÓTKENGE TAǴZYM» jobasy tek Qazaqstannyń ǵana emes, búkil postkeńestik keńistiktiń shekarasynan asyp tústi. HH ǵasyrdaǵy totalitarlyq deportatsiialar men repressiialardyń tragediiasy HHI ǵasyrda búkil álemde ómir súretin milliondaǵan adamdardyń taǵdyrynda kórinis tabady.
QHA Tóraǵasynyń orynbasary tarihi ádilettilikti qalpyna keltirý jáne ótkenniń qaiǵyly betterin obektivti zertteý boiynsha jumystar búgingi kúni de belsendi júrgizilip jatqanyn atap ótti. El Prezidenti Qasym-Jomart Toqaevtyń tapsyrmasy boiynsha saiasi qýǵyn-súrgin qurbandaryn aqtaý jónindegi Komissiia jumys isteidi.
Saiasi qýǵyn-súrgin jáne asharshylyq qurbandaryn eske alý, halyqtardy deportatsiialaý, 30-shy jyldardaǵy asharshylyq týraly estelikterden bizdiń elimizde uly dástúr-Alǵys aitý kúni paida boldy.
Forýmnyń plenarlyq otyrysynyń jalǵasynda sektsiialar jumysy aiasynda Qazaqstannyń ulttyq memlekettiliginiń qalyptasýy, HH ǵasyrdyń 20-30 jyldaryndaǵy asharshylyq, HH ǵasyrdyń 30-50 jyldaryndaǵy saiasi qýǵyn-súrgin, Qazaqstandaǵy etnostardyń jer aýdarylýy, Uly Otan soǵysynyń tarihy jáne t. b. máseleler talqylandy.
Sondai-aq, bul kúni is-sharaǵa qatysýshylar saiasi qýǵyn-súrgin qurbandary memorialy men Júsipbek Aimaýytov eskertkishine gúl shoqtaryn qoiyp, tarihi-qujattyq kórmeni aralady.
