Foto: Ashyq derekkózden
Pavlodarda er adam áieldiń betine burysh ballonyn shashyp jibergen, - dep habarlaidy "Ult aqparat" Polisia.kz Telegram arnasyna silteme jasap.
Anyqtalǵandai, oqiǵa 24 jeltoqsanda Pavlodar qalasy Toraiǵyrov kóshesinde bolǵan.
Audi avtokóliginiń júrgizýshisi janjal kezinde qala turǵynynyń betine buryshty ballon shashqan.
"Politsiia avtokóliktiń júrgizýshisin anyqtady, ol 32 jastaǵy pavlodarlyq bolyp shyqty. Osy fakti boiynsha júrgizýshige qatysty QR ÁQBtK-niń 73-1-baby boiynsha ákimshilik is qozǵaldy. Sot-meditsinalyq saraptama taǵaiyndaldy" - delingen habarlamada.
Júrgizýshige qatysty ákimshilik material qaraý úshin Pavlodar qalasynyń ákimshilik quqyqbuzýshylyq jónindegi mamandandyrylǵan sotyna jiberiledi.
