Foto: ashyq derekkóz
Pavlodarda ózin AQSh-tyń innovatsiialyq jarnama platformasy retinde tanystyrǵan «TAKORP» qarjy piramidasyn uiymdastyrǵan tulǵalarǵa qatysty sot úkimi shyǵaryldy, dep habarlaidy Ult.kz.
Tergeý málimetinshe, alaiaqtyq shema «OKX» kriptobirjasy arqyly tirkelý, investitsiia salý jáne keminde 5 jańa qatysýshyny tartý sekildi talaptarǵa negizdelgen. Jańa salymshylardy ákelgenderge «baq dóńgelegine» qatysyp, syilyq utý múmkindigi ýáde etilgen.
80-nen astam azamat jobanyń ýádelerine senip, 30-dan 500 AQSh dollaryna deiingi qarajat salǵan. Keibiri 2 000 AQSh dollaryna deiin bonýs alamyz dep úmittengen. Qylmystyq jolmen alynǵan tabystyń jalpy somasy 59 mln teńgeden asqan.
Piramidany nasihattaý maqsatynda Zoom arqyly onlain jarnama kezdesýleri ótkizilgen. Onda qatysýshylardyń ál-aýqatyn arttyrý týraly aitylǵanymen, basty maqsat — jańa salymshylar tartý bolǵan.
Jinalǵan qarjyǵa kúdiktiler Pavlodar qalasynan páter satyp alyp, tórt bank depozitin ashqan. Bul múlikterge sot sheshimimen tyiym salyndy.
Sot aiyptalýshylarǵa qatysty 1 jyl 6 aidan 7 jylǵa deiin bas bostandyǵynan aiyrý jazasyn taǵaiyndady. Úkim áli zańdy kúshine engen joq.
Zardap shekken azamattardyń shyǵyndary azamattyq is júrgizý aiasynda óteletin bolady.
