Politsiia ózin-ózin óltirýge jetkizý baby boiynsha qylmystyq is qozǵady. Qyz bala jergilikti oqý ornynda bilim alǵan.
Oblys ortalyǵyndaǵy joǵary oqý oryndarynyń birine qarasty jataqhanadan stýdent qyz óli kúiinde tabylǵany týraly aqparat áleýmettik jelini sharlap ketti.
Pavlodar oblysy politsiia departamentiniń baspasóz qyzmeti atalǵan faktini rastady.
«2024 jylǵy 20 sáýirde QR Qylmystyq kodeksiniń 105-baby boiynsha sotqa deiingi tergeý bastaldy. Qylmystyq protsessýaldyq kodekstiń 201-babyna sáikes ózge málimetter jariia etýge jatpaidy», - dep málimdedi baspasóz qyzmetinen.
Eske sala keteiik, buǵan deiin Soltústik Qazaqstan oblysynda ápkesi men inisi ózine qol jumsaǵanyn jazǵan edik.
