Pavlodarda dronnyń kómegimen túrmege telefon kirgizbek boldy, dep habarlaidy "Ult aqparat" polisia.kz resýrsyna silteme jasap.
Keshe túnde Pavlodar oblysyndaǵy qaýipsizdigi ortasha koloniianyń qyzmetkerleri ushqyshsyz ushatyn apparatty taýyp aldy. Ol koloniianyń aýmaǵyna kelip qonǵan. Dronǵa polietilen paket bekitilgen eken. Onyń ishinde eki uialy telefon, eki sim-karta jáne telefondy qýattaityn apparat bar edi.
«Qazaqstannyń túrme júiesinde zańsyz zat kirgizgen drondy ustap alý alǵash ret bolyp otyr. Biz buǵan deiin dronnyń túrme ústimen ushyp ótkenin ǵana tirkegenbiz. Drondy politsiiaǵa berdik, onyń iesi men júkti berip jibergen adam anyqtalyp jatyr. Jalpy, biyl túrmege zańsyz kirgizýge tyrysqan 1600 telefon, 24 litr spirttik ishimdik jáne 7 kelige jýyq esirtkini tárkiledik. Olardy kóp jaǵdaida sálem-saýqattyń ishine salyp jiberedi nemese qabyrǵanyń ar jaǵynan ishke qarai laqtyrady. Osyndai áreketi úshin 153 adam ákimshilik jaýapkershilikke tartylǵan, qalǵanyna qatysty is áli qaralyp jatyr», - deidi Qylmystyq atqarý júiesi komiteti tóraǵasynyń mindetin atqarýshy Esqali Salamatov.
Aita keteiik, keshe Almaty oblysynyń Zarechnyi aýylynda 5 shólmek alkogoldi koloniia aýmaǵyna laqtyrmaq bolǵan adam ustaldy. Ol buryn ózi de sottalǵan eken.
