Pavlodarda politsiia qyzmetkerleri sintetikalyq esirtki saqtady jáne taratpaq boldy degen kúdikpen Aqtaý qalasynyń turǵynyn ustady, dep habarlaidy ult.kz.
Polisia.kz málimetinshe, jedel-izdestirý is-sharalary barysynda esirtki qylmysyna qarsy is-qimyl bóliminiń qyzmetkerleri kúdiktiden psihotroptyq zattar tárkiledi.
Jeke tintý kezinde er adamnyń janynan sintetikalyq esirtki salynǵan 40 orama, elektrondy tarazy jáne qaptama materialdary tabylǵan. Saraptama qorytyndysy tárkilengen zattardyń sintetikalyq tektegi psihotroptyq zat ekenin rastady. Olardyń jalpy salmaǵy 50 gramnan asqan.
Aldyn ala málimet boiynsha, kúdikti Pavlodarǵa osy jyldyń mamyr aiynyń basynda kelgen. Qazir onyń psihotroptyq zattardy zańsyz ótkizýge qatysy bar-joǵy anyqtalyp jatyr.
Atalǵan derek boiynsha esirtki quraldaryn, psihotroptyq zattardy jáne olardyń analogtaryn ótkizý maqsatynda zańsyz satyp alý, saqtaý jáne tasymaldaý baby boiynsha qylmystyq is qozǵaldy.
Pavlodar oblystyq politsiia departamentiniń málimetinshe, sot sanktsiiasymen kúdikti qamaýǵa alyndy. Tergeý jalǵasyp jatyr.
