video kadrlary
Pavlodarda satýshyny qorqytyp, 25 iPhone urlaǵan kúdiktiler ustaldy, - dep habarlaidy "Ult aqparat" oblystyq Politsiia departamentine silteme jasap.
Vedomstvo málimetinshe, ótken jyldyń 22 jeltoqsanynda saǵat 10.30-da Kamzin kóshesindegi saýda úileriniń birinde ornalasqan uialy bailanys salonynda belgisiz er adam satýshyny pyshaqpen qorqytyp, qol-aiaǵyn bailap, "iPhone" markaly 25 uialy telefondy jáne 305 myń teńgeden astam aqshalai qarajatty iemdengen. Zalaldyń jalpy somasy shamamen 12 mln. teńgeni quraǵan.
"Politsiia asa iri mólsherde jasalǵan qaraqshylyq faktisi boiynsha Qazaqstan Respýblikasy QK 2-tarmaǵy 4-bóliginiń 192-baby boiynsha sotqa deiingi tergeý júrgizip jatyr. Izdestirý sharalary nátijesinde 1991 jáne 1994 jyly týǵan Ekibastuz qalasynyń turǵyndary ustaldy", - deidi Pavlodar oblysy Politsiia departamentiniń bastyǵy Vasilii Skliar.
Kúdiktiler Pavlodar qalasy Politsiia basqarmasy ýaqytsha ustaý izoliatoryna qamaýǵa alynǵan. Tergeý amaldary jalǵasyp jatyr.
