«Ertis Media» ǵimaratynyń qabyrǵasynda Pavlodar oblystyq «Keńes týy» (qazirgi Saryarqa samaly) gazetiniń tuńǵysh redaktory, túrkitaný mektebiniń negizin qalaýshy, akademik, jazýshy Beisembai Kenjebaiulyna arnalǵan memorialdyq taqtanyń ashylý saltanaty ótti, dep habarlaidy Pavlodarnews.kz.
Saltanatty rásimge Nur Otan partiiasy oblystyq filialy tóraǵasynyń birinshi orynbasary Ilia Terenchenko, QR Parlamenti Senatynyń depýtaty, himiia ǵylymdarynyń doktory Altynbek Nýhuly, sondai-aq Almaty jáne Nur-Sultan qalalarynan akademik Beisenbai Kenjebaiulynyń urpaqtary Qairat Qadyrbekov, Janar Jumabaeva, Ádil Bekturov arnaiy qatysty.
Beisembai Kenjebaiuly ǵalym, túrkitanýshy, ádebi synshy, aýdarmashy, filologiia ǵylymdarynyń doktory, professor. Ońtústik Qazaqstan oblysy Ordabasy aýdany Bógen aýylynda týǵan. 1929 jyly tuńǵysh Pavlodar okrýginiń «Keńes týy» atty gazetiniń negizin qalap, basshylyq etken belgili pýblitsist, uiymdastyrýshy.
QR Parlamenti Senatynyń depýtaty Altynbek Nýhuly tarihi tulǵaǵa taǵzym retinde arnaiy «taǵzym taqtasy» ashylyp otyrǵanyn atap ótti.
- Beisembai Kenjebaev nebári 25 jasynda baspa quraldaryn ákelip, gazettiń irgetasyn qalady. Tarihta orny bólek, taý tulǵa azamat retinde qalady. Jeke bastyń qamy emes, ulttyq múddede eńbek etip, qazaq halqynyń aitylmai jatqan dúnielerin Keńestiń qytymyr zamanynda batyl aita bilgen. Sol úshin talai taiaq jedi. Qazir qazaq entsiklopediiasy sanalatyn «Abai jolyn» alǵash baspadan shyǵardy. Sol zamanda Áýezovtyń jolyn ashqan osy Beisenbai Kenjebaev. Aita berse erligi kóp. Búgin taǵzym taqtasynyń ashylýy zańdylyq. Taqtaǵa «taǵzym taqta» dep jazdyq. Óitkeni, osyndai uly tulǵaǵa bizder ómir boiy taǵzym etýimiz kerek, - dedi Altynbek Nýhuly.
Beisenbai Kenjebaiulynyń urpaǵy himiia ǵylymdarynyń doktory Qairat Qadyrbekov atalary ǵylymda óz mektebin qalyptastyrǵanyn aitty.
- Beisenbai atamyz úlken ǵalym. QazMÝ-de júrgen kezde 42 ǵylym kandidatyn, 3 ǵylym doktoryn daiyndapty. Olardyń bári elge belgili jazýshy, ǵalymdar. Muhtar Maǵaýin, Ábish Kekilbaev, Myrzatai Joldasbekov dep tizilip kete beredi. Ol kisiniń óziniń ustazdary da myqty boldy. Máskeýde Mirjaqyp, Beiimbetterdiń janynda júrdi. Ulttyq rýh jolynda aianbai jumys istegen. Osyndai tulǵaǵa qurmet kórsetip jatqan sizderge Beisenbai Kenjebaevtyń ońtústiktegi urpaqtarynyń, jaqyndarynyń sálemin alyp keldim. Pavlodar óńirine, bundai taqtanyń ashylýyna sebepker bolǵan jandarǵa alǵys bildiremiz, - dedi Qairat Qadyrbekov.
Shara sońynda jinalǵan mártebeli qonaqtar, qoǵam qairatkerleri, ziialy qaýym ókilderi men jýrnalister taǵzym taqtasyna gúl shoqtaryn qoidy.
Beisembai Kenjebaev – qazaq ádebietiniń máselelerine, qazaq baspasóziniń tarihyna arnalǵan irgeli eńbekterdiń, Abai Qunanbaiuly, Sultanmahmut Toraiǵyrov, Jambyl Jabaev, Muhamedjan Seralin, Muhtar Áýezovterdiń ómiri men shyǵarmalary týraly zertteýlerdiń avtory. Keńestik kezeńde kommýnistik ideologiiaǵa orai HIH ǵasyrdaǵy qazaq ádebietiniń tarihyn Buhar jyraýdan bastalady degen jansaq pikirdi teriske shyǵaryp, onyń Orhon-Enisei jazbalarynan bastalatyndyǵyn ǵylymi turǵydan dáleldegen.
Kórkem proza jáne aýdarma salasynda da kóp eńbek etken. 1928 jyly «Asaý júrek» áńgimeler jinaǵy jaryq kórgen. Pýshkinniń shyǵarmalarynyń qazaqsha bibliografiialyq kórsetkishin jasaǵan. Kóptegen orys jáne shetel jazýshy-aqyndarynyń shyǵarmalaryn qazaq tiline tárjimalaǵan. «Lenin» ordenimen jáne birneshe medaldarmen marapattalǵan.
