Pavlodarda kópqabatty turǵyn úide bolǵan órt saldarynan 22 jastaǵy boijetken qaitys boldy, dep habarlaidy ult.kz.
Oqiǵa 12 maýsym kúni tańǵy saǵat 03:55 shamasynda bes qabatty turǵyn úidiń ekinshi qabatyndaǵy páterde bolǵan. Oblystyq tótenshe jaǵdailar departamentiniń málimetinshe, órt 20 sharshy metr aýmaqty sharpyǵan. Jalyn úidegi jihazdardy, turmystyq zattardy jáne tereze jaqtaýyn qamtyǵan.
Órt sóndirýshiler tilsiz jaýdy saǵat 04:16-da oqshaýlap, alty minýttan keiin tolyqtai sóndirdi. Qutqarý jumystary barysynda úshinshi qabattan baspaldaq arqyly eki adam, onyń ishinde bir bala evakýatsiialandy.
Vedomstvonyń habarlaýynsha, eki eresek turǵyn tútinge ýlanyp, aýrýhanaǵa jetkizilgen. Al 2003 jyly týǵan qyz órt sóndirýshiler kelgenge deiin ózdiginen qutylýǵa áreket jasap, ekinshi qabattyń terezesinen sekirip ketken.
Zardap shekken boijetken №3 Pavlodar qalalyq aýrýhanasyna jetkizilgenimen, dárigerler onyń ómirin saqtap qala almady. Ol saǵat 05:50-de kóz jumǵan.
Qazirgi ýaqytta ólimniń naqty sebebin anyqtaý úshin sot-meditsinalyq saraptama taǵaiyndaldy.
