Pavlodar oblysynda órt shyqqan úiden 58 jastaǵy áieldiń denesi tabyldy, dep habarlaidy QazAqparat.
22 qazan kúni 10.37 kezinde 101 pýltine Kostyletskii, 32 mekenjaiyndaǵy jer úi órtenip jatqany jaily habar túsken.
Bes bólmeli kirpish úidiń ishinde aǵash konstrýktsiia janyp, opyrylyp, úidegi 120 sharsh metr aýmaqta turmystyq zattar, tehnika, jihaz otqa oranǵan.
Oqiǵa ornyna jedel jetken №1 mamandandyrylǵan órt sóndirý bóliminiń qyzmetkerleri eń áýeli 1960 jyly týǵan úi iesin syrtqa shyǵarǵan.
Oǵan apattyq meditsina brigadasynyń dárigerleri alǵashqy meditsitsnalyq kómek kórsetti. Úi iesi aýrýhanaǵa jatýdan bas tartty.
Órt sóndirýshiler asúiden denesiniń birshama bóligin kúiik shalǵan 1963 jyly týǵan áieldiń denesin tapty.
Qyzyl jalyn búgin saǵat 11.54 shamasynda tolyq sóndirildi. Tilsiz jaýdyń sebebi - elektr symynyń qysqa tuiyqtalýy. Kelgen shyǵyn eseptelip jatyr.
Oqiǵa ornynda jeke quramnan 23 adam jáne 7 tehnika jumys istedi.
