Pavlodar oqýshylar men stýdentterdi qoǵamdyq kólikterde tegin tasymaldaityn jeńildik jasaǵan elimizdegi alǵashqy qala atanýy múmkin, dep habarlaidy "Ult aqparat" pavlodarnews.kz-ke silteme jasap.
Bul týraly qalalyq máslihat komissiiasy músheleriniń otyrysynda TÚKSh bóliminiń sektor meńgerýshisi Marat Asylbekov málim etti.
«Mundai jeńildikke tómengi synyp oqýshylarynan bastap joǵarǵy oqý oryndarynyń stýdentteri ie bola alady. Ol úshin jylyna 998 million teńge kerek. Bul aqshany biz esh jerden suramaimyz. Barlyq shyǵyndy tasymaldaýshylar óz moiyndaryna alady. Olarmen ortaq memorandým jasalǵan, qazir osy jaǵdaidy qarastyratyn bolamyz», - dedi Marat Asylbekov.
Eske salaiyq, Pavlodarda komissiia otyrysynda jergilikti tasymaldaýshylar jol aqysyn kóterý týraly usynys bildirgen bolatyn. Qalalyq kásipkerlik jáne aýyl sharýashylyǵy bóliminiń habarlaýynsha, búgingi tańda AI-92 janarmaiynyń bir litri - 161,5 teńge, al, dizel otyny - 174,5 teńge. Osyǵan bailanysty TÚKSh bólimi 1-jeltoqsannan bastap Pavlodarda jolaqysyn 70-ten 80 teńgege kóterý týraly usynysyn bildirdi. Bul - tasymaldaýshylardyń qalalyq depýtattarǵa joldaǵan ekinshi ótinishi. Birinshi ret bul másele shilde aiynda kóterilgen.
