videodan alynǵan kadr
Pavlodarda oqýshy qyzdy eki ret kólik qaǵyp kete jazdady, dep habarlaidy "Ult aqparat" IIM Telegram arnasyna silteme jasap.
"Beinematerialdardyń birinde júrgizýshilerdiń jol qozǵalysy erejelerin buzý faktisi tirkelgen. Eki júrgizýshi rettelmegen jaiaý júrginshiler jolynan ótip bara jatqan kámeletke tolmaǵan qyzdy joldan ótkizbegen. Kezdeisoqtyqtyń arqasynda qyz soqtyǵysýdan eki ret aman qaldy.
Jaiaý júrginshige ótýge múmkindik bermegeni úshin Hyundai Accent avtokóliginiń 36 jastaǵy júrgizýshisi jáne Volkswagen Touran avtokóliginiń 56 jastaǵy júrgizýshisi QR ÁQBtK-niń 600-baby 1-bóligi boiynsha ákimshilik jaýapkershilikke tartyldy. Árqaisysyna 10 AEK mólsherinde aiyppul salyndy. Sondai-aq júrgizýshilermen osyndai faktilerge jol bermeý týraly aldyn alý áńgimesi júrgizildi" - delingen habarlamada.
Politsiia júrgizýshilerge jol qozǵalysy erejelerin qatań saqtaý, jaiaý júrginshiler joldarynyń, avtobýstar men tramvai aialdamalarynyń janynda sergek jáne muqiiat bolý týraly eskertedi.
