Pavlodarda oblystyq máslihat depýtaty Aleksandr Terentev ustaldy. Buǵan onyń sút fermasynda bolǵan qaiǵyly oqiǵa sebep bolǵan, dep habarlaidy ult.kz.
Shilde aiynda ferma aýmaǵynda alty jumysshy qaza tapqan. Olardyń arasynda 17 jastaǵy mektep oqýshysy da bolǵan. Taǵy bir 38 jastaǵy er adam zardap shegip, aýrýhanaǵa jetkizilgen.
Aldyn ala boljam boiynsha, adamdardyń ólimi káriz qudyǵynda jóndeý jumystaryn júrgizý kezinde ýlanýdan bolýy múmkin.
Qaza tapqan 17 jastaǵy jasóspirim kompaniiada resmi túrde baǵban bolyp jumys istegen. Onyń mindeti kógaldandyrylǵan aýmaqtarǵa kútim jasaý bolǵan. Qaiǵyly oqiǵa bolǵan jerde jasópirimniń júrýi kúdik týdyrdy.
Aleksandr Terentev oblystyq máslihatta qurylys jáne turǵyn úi-kommýnaldyq sharýashylyq máseleleri jónindegi turaqty komissiiany basqarady.
Qaiǵyly oqiǵaǵa qatysty tergeý amaldary júrgizilip jatyr.
