Pavlodarda mektep oqýshylary turǵyn úi terezesine eki ret oq atty, tergeý júrip jatyr, dep habarlaidy QazAqparat Pavlodarnews.kz saityna silteme jasap.
Oblystyq Politsiia departamenti baspasóz qyzmetiniń málimetinshe, 23 qańtar kúni saǵat 17:47-de 34 jastaǵy qala turǵyny politsiiaǵa qońyraý shalyp, belgisiz bireýler onyń terezelerine oq atqanyn aitqan. Jedel-tergeý toby oqiǵa ornyna dereý jetken. Tekserý barysynda eki oq atylǵany jáne saldarynan Buqar jyraý kóshesindegi úidiń úshinshi qabatynda ornalasqan balkonnyń áinegi zaqymdalǵany anyqtaldy.
Politsiia qyzmetkerleri 13-15 jas aralyǵyndaǵy kámeletke tolmaǵan 7 balany ustady. Olar Pavlodar qalasynyń №№ 6, 16, 24, 29 jáne 34 mektepteriniń oqýshylary bolyp shyqty.
«23 qańtarda jasóspirimder dosyna kompiýterlik oiyndar oinaýǵa jinalǵan. Olardyń biri ózimen birge tapanshaǵa uqsas zatty alyp kelgen, ony tanysynan alǵan. Qyzyǵýshylyq úshin balalar balkonǵa shyǵyp, kezekpen oq atqan. Bul oqtyń biri politsiiaǵa júgingen er adamnyń páteriniń balkon terezesine tigen», - delingen habarlamada.
Qarý tárkilenip, saraptama taǵaiyndaldy. Sonyń nátijeleri boiynsha kámeletke tolmaǵandarǵa qatysty protsessýaldyq sheshim qabyldanatyn bolady.
Aita ketý kerek, balalardyń is-áreketteri úshin zańdy ókilderi jaýap beredi.
