پاۆلوداردا مەكتەپ وقۋشىلارى تۇرعىن ٷي تەرەزەسٸنە ەكٸ رەت وق اتتى, تەرگەۋ جٷرٸپ جاتىر, دەپ حابارلايدى قازاقپارات Pavlodarnews.kz سايتىنا سٸلتەمە جاساپ.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 23 قاڭتار كٷنٸ ساعات 17:47-دە 34 جاستاعى قالا تۇرعىنى پوليتسيياعا قوڭىراۋ شالىپ, بەلگٸسٸز بٸرەۋلەر ونىڭ تەرەزەلەرٸنە وق اتقانىن ايتقان. جەدەل-تەرگەۋ توبى وقيعا ورنىنا دەرەۋ جەتكەن. تەكسەرۋ بارىسىندا ەكٸ وق اتىلعانى جەنە سالدارىنان بۇقار جىراۋ كٶشەسٸندەگٸ ٷيدٸڭ ٷشٸنشٸ قاباتىندا ورنالاسقان بالكوننىڭ ەينەگٸ زاقىمدالعانى انىقتالدى.
پوليتسييا قىزمەتكەرلەرٸ 13-15 جاس ارالىعىنداعى كەمەلەتكە تولماعان 7 بالانى ۇستادى. ولار پاۆلودار قالاسىنىڭ №№ 6, 16, 24, 29 جەنە 34 مەكتەپتەرٸنٸڭ وقۋشىلارى بولىپ شىقتى.
«23 قاڭتاردا جاسٶسپٸرٸمدەر دوسىنا كومپيۋتەرلٸك ويىندار ويناۋعا جينالعان. ولاردىڭ بٸرٸ ٶزٸمەن بٸرگە تاپانشاعا ۇقساس زاتتى الىپ كەلگەن, ونى تانىسىنان العان. قىزىعۋشىلىق ٷشٸن بالالار بالكونعا شىعىپ, كەزەكپەن وق اتقان. بۇل وقتىڭ بٸرٸ پوليتسيياعا جٷگٸنگەن ەر ادامنىڭ پەتەرٸنٸڭ بالكون تەرەزەسٸنە تيگەن», - دەلٸنگەن حابارلامادا.
قارۋ تەركٸلەنٸپ, ساراپتاما تاعايىندالدى. سونىڭ نەتيجەلەرٸ بويىنشا كەمەلەتكە تولماعاندارعا قاتىستى پروتسەسسۋالدىق شەشٸم قابىلداناتىن بولادى.
ايتا كەتۋ كەرەك, بالالاردىڭ ٸس-ەرەكەتتەرٸ ٷشٸن زاڭدى ٶكٸلدەرٸ جاۋاپ بەرەدٸ.
