.jpeg)
Foto: Polisia.kz
Tártip saqshylary odan jalpy salmaǵy 1,6 kilogram sintetikalyq preparattardy tárkiledi. Kúdiktige qatysty tergeý amaldary júrgizilip jatyr,dep habarlaidy "Ult aqparat" Pavlodar oblysy politsiia departamentiniń baspasóz qyzmetine silteme jasap.
Óńirlik politsiia departamentiniń esirtki qylmysyna qarsy is-qimyl bóliminiń qyzmetkerleri Pavlodar qalasynyń aýmaǵynda tyiym salynǵan zattardyń zańsyz taralýy týraly jedel aqparat alǵan. Politseiler jedel izdestirý sharalaryn júrgizip, esirtki tasymaldap júrgen 28 jastaǵy turǵyndy anyqtady.
«Jedel ýákilder qaskúnemdi «qaptamany» salyp jatqan kezde ustady. Ol tanymal messendjerdegi internet-dúkenniń kýreri ekeni anyqtaldy. Tekserý barysynda jedel ýákilder odan tyiym salynǵan zattardyń ornalasqan jeri týraly aqparaty bar uialy telefondy alyp qoidy. Sonymen qatar, jalpy salmaǵy 1,6 kilogramnan asatyn sintetikalyq preparattary bar 18 konvoliýtsiia men 4 plastikalyq konteinerdi, sondai-aq quramynda esirtki bar 189 tabletkany tárkiledi», - dep habarlady Pavlodar oblysy politsiia departamentiniń baspasóz qyzmetinen.
Kúdikti qamaýǵa alyndy. Atalǵan fakti boiynsha QR Qylmystyq kodeksiniń 297-baby 3-bóligi boiynsha sotqa deiingi tergep-tekserý júrgizilip jatyr.
