پاۆلوداردا كۋرەر 1,6 كەلٸ ەسٸرتكٸمەن ۇستالدى

فوتو: Polisia.kz

تەرتٸپ ساقشىلارى ودان جالپى سالماعى 1,6 كيلوگرام سينتەتيكالىق پرەپاراتتاردى تەركٸلەدٸ. كٷدٸكتٸگە قاتىستى تەرگەۋ امالدارى جٷرگٸزٸلٸپ جاتىر,دەپ حابارلايدى "ۇلت اقپارات" پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.

ٶڭٸرلٸك پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل بٶلٸمٸنٸڭ قىزمەتكەرلەرٸ پاۆلودار قالاسىنىڭ اۋماعىندا تىيىم سالىنعان زاتتاردىڭ زاڭسىز تارالۋى تۋرالى جەدەل اقپارات العان. پوليتسەيلەر جەدەل ٸزدەستٸرۋ شارالارىن جٷرگٸزٸپ, ەسٸرتكٸ تاسىمالداپ جٷرگەن 28 جاستاعى تۇرعىندى انىقتادى.

«جەدەل ۋەكٸلدەر قاسكٷنەمدٸ «قاپتامانى» سالىپ جاتقان كەزدە ۇستادى. ول تانىمال مەسسەندجەردەگٸ ينتەرنەت-دٷكەننٸڭ كۋرەرٸ ەكەنٸ انىقتالدى. تەكسەرۋ بارىسىندا جەدەل ۋەكٸلدەر ودان تىيىم سالىنعان زاتتاردىڭ ورنالاسقان جەرٸ تۋرالى اقپاراتى بار ۇيالى تەلەفوندى الىپ قويدى. سونىمەن قاتار, جالپى سالماعى 1,6 كيلوگرامنان اساتىن سينتەتيكالىق پرەپاراتتارى بار 18 كونۆوليۋتسييا مەن 4 پلاستيكالىق كونتەينەردٸ, سونداي-اق قۇرامىندا ەسٸرتكٸ بار 189 تابلەتكانى تەركٸلەدٸ», - دەپ حابارلادى پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸنەن.

كٷدٸكتٸ قاماۋعا الىندى. اتالعان فاكتٸ بويىنشا قر قىلمىستىق كودەكسٸنٸڭ 297-بابى 3-بٶلٸگٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.