Foto: © instagram/tipavlo.dar
Pavlodarda kóshede pyshaq ustap júrgen er adam videoǵa túsirildi, - dep habarlaidy Tengrinews.kz saity.
Oqiǵa búgin tańerteń bolǵan. Videony pavlodarlyq pablikterdiń biri jariialady. Kadrlarda ústindegi kiimin sheship tasaǵan er adam qolyna pyshaq ustap kóshede ketip bara jatqany kórinedi.
"6 mamyrda saǵat 07:30-da ELECOR kúzet agenttiginiń basqarý pýltine Pobeda 25 mekenjaiy boiynsha "Tuman" mekemesinen qońyraý kelip tústi. Jedel áreket etý ekipajy kelgen kezde kelýshiler arasynda janjal bolǵany anyqtaldy, sýyq qarý qoldanylǵan. Pavlodar qalasynyń tártip saqshylarymen birge janjalǵa qatysqandar ustaldy", - delingen video sipattamasynda bergen kúzet qyzmeti habarlamasynda.
Keiinrek Pavlodar qalasynyń politsiiasy da oqiǵaǵa qatysty pikir bildirdi. Politsiia málimetinshe, akademik Satpaev kóshesindegi saýda úiiniń janynda er adam pyshaqpen júr degen habarlama kelip túsken.
"Bul fakt Pavlodar qalasynyń Soltústik PB-de tirkeldi. Dereý túrde kórsetilgen mekenjaiǵa avtopatrýlder men tergeý-jedel toby jiberildi. 39 jastaǵy er adam ustalyp, jeke basy anyqtaldy. Qolyndaǵy as úi pyshaǵy tárkilendi. Politsiia qyzmetkerleri er adamdy meditsinalyq kýálandyrý jasaý úshin densaýlyq saqtaý organdaryna jetkizdi. Nátijesinde, er adam mas kúiinde bolǵan. Politsiia er adamdy Ýaqytsha beiimdeý jáne detoksikatsiialaý ortalyǵyna apardy. Politsiia tekserý júrgizip jatyr", - delingen habarlamada.
