Pavlodarda er adam qoǵamdyq orynda ádepsiz áreket jasaǵany úshin qamaýǵa alyndy, - dep habarlaidy Tengrinews.kz agenttigi.
Pavlodarlyq "zhaloby_pavlodar" Telegram-arnasynda er adamnyń ádepsiz áreketi kórinetin video jariialanǵan. Osylaisha, politseiler aýyl turǵynyn ustaǵan. Keiin Kenjekól aýylynyń 34 jastaǵy turǵynynan kórshisine shara qoldaný týraly aryz túsken.
"24 tamyzda ýchaskelik politsiia pýnktine kórshisine shaǵymdanǵan áiel júgindi. Onyń aitýynsha, balalary kósheden júgirip kirip, qarama-qarsy úide turatyn kórshisi ózderine urysqanyn jáne shalbaryn sheshkenin jetkizgen. Aýyl turǵyny kóshege shyǵyp, mas er adamǵa eskertý jasaǵan. Ol eskertýdi elemei, óz degeninde turý úshin shalbaryn sheshken", - dedi Pavlodar qalasy Ońtústik politsiia bólimi jergilikti politsiia qyzmetiniń bastyǵy Rýstam Serǵazinov.
Vedomstvo málimetinshe, 57 jastaǵy er adamǵa qatysty usaq buzaqylyq jasaǵany úshin QR Ákimshilik quqyq buzýshylyq týraly kodeksiniń 434-baby 1-bóligi boiynsha ákimshilik is qozǵalǵan. Ol material sotta qaralǵanǵa deiin ýaqytsha ustaý kamerasyna qamalǵan. Al 25 tamyzda sot qaýlysymen er adam jeti táýlik merzimge ákimshilik qamaýǵa alynǵan.
