Foto: @Pavlodarnews.kz
Pavlodarda jeke jylytý qazandyǵy jarylyp, eki adam zardap shekti, dep habarlaidy Sputnik Qazaqstan saity.
Oqiǵa kýágerleri soltústik ónerkásip aimaǵynan qatty daýys estilgenin aitady.
TJM ónerkásiptik qaýipsizdik komiteti Pavlodar oblysy boiynsha departamentiniń málimetinshe, Pavlodar JShS qazandyǵynyń ǵimaratyndaǵy jarylys gaz-aýa qospasy saldarynan bolǵan.
43 jastaǵy kompressor-operatordy kúiik shalyp, ol Pavlodar qalasynyń №1 aýrýhanasyna jatqyzylǵan. Aýrýhanaǵa túsken jumysshynyń jaǵdaiyn dárigerler aýyr dep baǵalap otyr.
"Er adam keshe saǵat 17.15-te birinshi qalalyq aýrýhanaǵa jetkizildi. Onyń basy, beti, denesi, qol-aiaǵy, denesiniń 40-45%-i kúigen. Sondai-aq 10% termoingaliatsiialyq kúiik shalyp ýlanǵan. Jaǵdaiy aýyr", - dep túsindirdi oblystyq densaýlyq saqtaý basqarmasy.
Al 59 jastaǵy avtogaz tasityn kólik júrgizýshisiniń qulaǵy jaraqatanǵan. Ol aýrýhanaǵa jatýdan bas tartty.
Jarylys saldarynan qazandyq ǵimaraty jartylai qirap, shatyry qulaǵan.
