Pavlodarda jataqhana turǵyndary arasynda koronavirýstyń ári qarai taralýy týraly epidemiologtardyń boljamy rastaldy, dep habarlaidy Habar24.kz.
Saittan málim bolǵanyndai, keshe atalmysh jataqhanada turatyn 50 jastaǵy áiel aýrýhanaǵa jatqyzyldy.
Oblystyń densaýlyq saqtaý basqarmasy málim etkendei, búgin munda eki jańa jaǵdai tirkelip otyr. Jataqhana jedel shtabtyń sheshimi boiynsha sol túni karantinge jabyldy, al ǵimarat mańaiyna kúzetshiler qoiyldy. Aýqymdy dezinfektsiia júrgizildi.
Eske salaiyq, 50 jastaǵy áieldiń sońǵy bes kún boiy dene qyzýy kóterilgen, alaida osy ýaqyt boiy ózin-ózi emdegen. Sonyń saldarynan úi jaǵdaiynda aýyrǵan ár kún saiyn bailanysta bolǵan adamdar sany artyp otyrǵan.
«Jańa eki jaǵdai boiynsha – olar 1994 jyly týǵan er azamat pen 1958 jylǵy áiel. Olar buryn koronavirýs infektsiiasy anyqtalǵan áielmen otbasylyq tiptegi jataqhanada birge turǵan. Qazirgi ýaqytta naýqastar infektsiialyq gospitalde meltserlik bokstarda jatyr»,-deidi Densaýlyq saqtaý basqarmasynyń baspasóz hatshysy Maqpal Qarjaýbai.
«Eger klinikalyq belgiler baiqasańyz, telefonmen habarlaý kerek. Bul týraly aityp jatyrmyz. Eshkim tyńdamaǵannan keiin boljaý ǵana qalady. Sol sebepti turǵyndar osy aýyr úlgiden sabaq alýy kerek dep oilaimyn. Meditsina qyzmetkerleriniń kómegine ýaqytyly júginińiz. Emhanaǵa barýdyń qajeti joq, habarlasyńyz, sizge ózderi keledi, qaraidy jáne tiisti emdeý túrin belgileidi. Ótinish, ózińizge jáne densaýlyǵyńyzǵa muqiiat bolyńyz», dedi epidemiologiialyq monitoring tobynyń jetekshisi Sáýle Ospanova.
