Pavlodarda «Garant 24 Lombard» JShS aimaqtyq direktory 2 aiǵa qamaýǵa alyndy, dep habarlaidy "Ult aqparat".
«Pavlodar mamandandyrylǵan tergeý soty sýdiasynyń 2020 jylǵy 22 aqpandaǵy qaýlysymen Pavlodar qalalyq Ishki ister basqarmasy Ortalyq politsiia bólimi tergeýshisiniń ótinishi qanaǵattandyryldy. «Garant 24 Lombard» JShS-niń aimaqtyq direktory Qylmystyq kodekstiń 190-baby 4-bóligi 2-tarmaǵy («Asa iri kólemdegi alaiaqtyq») boiynsha kúdikke ilinýine bailanysty, ony eki ai merzimge qamaýǵa alý túrindegi bultartpaý sharasyn sanktsiialaý Pavlodar qalasynyń prokýrorymen kelisildi», - dedi Pavlodar oblystyq sotynyń baspasóz qyzmetinen.
Atap ótilgendei, sot sanktsiiasy JShS direktory atqaryp otyrǵan laýazymyna bailanysty isti obektivti tergeýge kedergi keltirýi múmkin bolǵandyqtan berilgen.
«Sondai-aq, oǵan asa iri kólemdegi aýyr qylmys jasady degen kúdik keltirilip otyrǵany nazarǵa alyndy», - dep atap ótti baspasóz qyzmetinen.
Eske sala keteiik, buǵan deiin Pavlodarda lombardtyń óńirlik direktory alaiaqtyq jasady degen kúdik boiynsha ýaqytsha ustaý izoliatoryna qamalǵan bolatyn. Keiin Pavlodar oblystyq Politsiia departamenti «Garant 24 Lombard» JShS men «ESTATE Lombard» JShS-ǵa qatysty asa iri kólemdegi alaiaqtyq boiynsha tergeýdi bastady.
