پاۆلوداردا «گارانت 24 لومبارد» جشس ايماقتىق ديرەكتورى 2 ايعا قاماۋعا الىندى, دەپ حابارلايدى "ۇلت اقپارات".
«پاۆلودار مامانداندىرىلعان تەرگەۋ سوتى سۋدياسىنىڭ 2020 جىلعى 22 اقپانداعى قاۋلىسىمەن پاۆلودار قالالىق ٸشكٸ ٸستەر باسقارماسى ورتالىق پوليتسييا بٶلٸمٸ تەرگەۋشٸسٸنٸڭ ٶتٸنٸشٸ قاناعاتتاندىرىلدى. «گارانت 24 لومبارد» جشس-نٸڭ ايماقتىق ديرەكتورى قىلمىستىق كودەكستٸڭ 190-بابى 4-بٶلٸگٸ 2-تارماعى («اسا ٸرٸ كٶلەمدەگٸ الاياقتىق») بويىنشا كٷدٸككە ٸلٸنۋٸنە بايلانىستى, ونى ەكٸ اي مەرزٸمگە قاماۋعا الۋ تٷرٸندەگٸ بۇلتارتپاۋ شاراسىن سانكتسييالاۋ پاۆلودار قالاسىنىڭ پروكۋرورىمەن كەلٸسٸلدٸ», - دەدٸ پاۆلودار وبلىستىق سوتىنىڭ باسپاسٶز قىزمەتٸنەن.
اتاپ ٶتٸلگەندەي, سوت سانكتسيياسى جشس ديرەكتورى اتقارىپ وتىرعان لاۋازىمىنا بايلانىستى ٸستٸ وبەكتيۆتٸ تەرگەۋگە كەدەرگٸ كەلتٸرۋٸ مٷمكٸن بولعاندىقتان بەرٸلگەن.
«سونداي-اق, وعان اسا ٸرٸ كٶلەمدەگٸ اۋىر قىلمىس جاسادى دەگەن كٷدٸك كەلتٸرٸلٸپ وتىرعانى نازارعا الىندى», - دەپ اتاپ ٶتتٸ باسپاسٶز قىزمەتٸنەن.
ەسكە سالا كەتەيٸك, بۇعان دەيٸن پاۆلوداردا لومباردتىڭ ٶڭٸرلٸك ديرەكتورى الاياقتىق جاسادى دەگەن كٷدٸك بويىنشا ۋاقىتشا ۇستاۋ يزولياتورىنا قامالعان بولاتىن. كەيٸن پاۆلودار وبلىستىق پوليتسييا دەپارتامەنتٸ «گارانت 24 لومبارد» جشس مەن «ESTATE لومبارد» جشس-عا قاتىستى اسا ٸرٸ كٶلەمدەگٸ الاياقتىق بويىنشا تەرگەۋدٸ باستادى.
