Pavlodarda ERTIS fýtbol klýbynyń burynǵy direktory Serik Omarhanov sottaldy, dep habarlaidy "Ult aqparat" Qarjylyq monitoring agenttigine silteme jasap.
Pavlodar oblysy boiynsha ekonomikalyq tergeý departamenti «ERTIS» fýtbol klýby» qoǵamdyq qoryna qatysty biýdjetke salyq tóleýden jaltarý deregi boiynsha qylmystyq isti tergeýdi aiaqtady.
Tergeý barysynda 2019 jyly ERTIS fýtbol klýbynyń direktory salyq organdaryna burmalanǵan derekteri bar maǵlumdamany usynǵany anyqtaldy.
Sol arqyly memleketke 193 mln astam teńgege tólenbegen salyq túrinde zalal keldi.
Klýb direktory 3 jyl boiy qarjy jáne kommertsiialyq uiymdarda basshylyq laýazymdy atqarý quqyǵynan aiyryla otyryp, 1 jylǵa sottaldy.
Qylmystyq kodekstiń 245-babyna sáikes, biýdjetke salyq jáne ózge de tólemderdi óteýden jaltarǵandarǵa 1 jyldan 5 jyl merzimge deiin bas bostandyǵynan aiyrý jazasy qarastyrylǵan.
