videodan alynǵan kadr
Pavlodarlyq politseiler qaraqshylyq shabýyl jasaǵan kúdiktini "izin sýytpai" ustady, dep habarlaidy "Ult aqparat" Polisia.kz Telegram-arnasyna silteme jasap.
Qaraqshylyq shabýyl týraly politsiiaǵa qala turǵyny habarlaǵan.
"Oqiǵa ornyna jedel-tergeý toby jiberildi. Anyqtalǵandai, belgisiz er adam Buqar Jyraý kóshesindegi úige zańsyz kirip, 2008 jyly týǵan kámeletke tolmaǵan qyzyna zorlyq-zombylyq kórsetip, tapanshaǵa uqsas zatpen qorqytyp, 250 000 teńge qarajatyn iemdengen.
Arnaiy is-sharalar bastalyp, onyń barysynda politseilerdiń kásibiligi men jedeldiginiń arqasynda oblys ortalyǵynyń 48 jastaǵy turǵyny ustaldy.
QR QK 192-baby 3-bóligi boiynsha sotqa deiingi tergeý júrgizilip jatyr. Ustalǵan adam ÝUI-ge qamaldy" - delingen habarlamada.
Tergeý jalǵasýda.
