kollaj: Tengrinews.kz
Pavlodar turǵyny kópqabatty úidiń kireberisinde mysyqty ólimshi etip sabaǵan. Kelesi kúni mysyq ólip qalǵan. Politseiler sotaldy tergeýdi bastady, - dep habarlaidy Tengrinews.kz portaly.
Pavlodarlyq janýarlar quqyǵyn qorǵaýshylar Instagram áleýmetik jelisinde qorǵansyz janýar aiaýsyz soqqyǵa jyǵylǵany týraly aityp berdi. Olardyń aitýynsha, úidiń turǵyny aýla sypyrýshylar qoimasynan mysyqty shyǵaryp alyp, soqqyǵa jyqqan.
"Mysyq kelesi kúni ólip qaldy. Turǵyndar jáne biz politsiiaǵa aryz jazdyq", - deidi qoǵamdastyq ókilderi.
Video sipattamasynda politseiler bul fakt Pavlodar PB Ońtústik politsiia bóliminde tirkelgenin jazdy. Tekserý júrgizilip jatyr. Keiinirek Politsiia departamentiniń baspasóz qyzmeti mysyqty urǵan er adamnyń anyqtalǵanyn habarlady.
"Janýarlarǵa qatygezdik kórsetý deregi boiynsha QR Qylmystyq kodeksiniń 316-baby boiynsha sotaldy tergeý bastaldy", - dedi vedomstvo ókilderi.
