Pavlodardaǵy dámhanalardyń birinde politsei men dámhana qonaqtarynyń arasynda bolǵan oqiǵaǵa qatysty jańa derekter belgili boldy, dep habarlaidy QazAqparat tilshisi.
Pavlodar oblystyq IID basshysy general-maior Marat Qojaevtyń habarlaýynsha, mas qonaqtardy soqqyǵa jyqqan politseiler qyzmetterinen bosatyldy.
«Ishki ister departamenti Tártiptik komissiia júrgizgen qyzmettik tergeý nátijesinde atalǵan oqiǵaǵa qatysty 4 qyzmetker organnan shyǵarylady. Men keshe buiryq shyǵaryp olardy jumystan bosattym. JPP basshysy, batalon komandirinen bastap, onyń tárbie isi jónindegi orynbasary, quramynda osy qyzmetkerler kiretin vzvod komandirleri jazaǵa tartyldy», - dedi ol.
Dámhananyń qonaqtary da jazalanatyn bolady.
«Shyqqan janjaldyń ekinshi tarabyndaǵy azamattyq tulǵalar da IIB qyzmetkerlerine kúsh kórsetkeni úshin jáne tártipke baǵynbaǵany úshin QR Zańyna sáikes jaýapqa tartylady», - dep atap ótti Pavlodar oblystyq IID basshysy.
Sondai-aq Qojaev keibir IIB qyzmetkerleriniń jumys sapasy deńgeiiniń nashar bolý sebepterin atap ótti.
«Politsei qyzmetine jumysqa ornalasý talaby joǵary emes. Ortasha bilim men áskerde qyzmet etý, kóshede jumys isteýge kedergi keltiretin sozylmaly aýrýdyń bolmaýy jumysqa qabyldaýdyń negizgi talaptaryn qanaǵattandyrady», - dep atap ótti Qojaev.
Eske salaiyq, jelide pavlodarlyq politseilerdiń jergilikti dámhanalardyń birine kelýshilerdi qatygezdikpen uryp-soǵyp jatqan videosy tarap ketken edi. Bul iske bailanysty tergeý bastalǵandyǵyn buǵan deiin habarlaǵan bolatynbyz.
