2020 jylǵy 23-27 qarasha aralyǵynda «Ertis – adaldyq alańy» jobalyq keńsesi «Ashyq biýdjet» jobasy sheńberinde «Ashyq biýdjetterdiń interaktivti kartasy» portalynda oblystyń memlekettik organdarynyń biýdjetterine monitoring júrgizdi, dep habarlaidy Ravlodarnews.kz.
«Monitoring nátijesinde oblys qalalarynyń biriniń memlekettik mekemesi 96 000 teńgege bir keńse kreslosyn satyp alǵany anyqtaldy. Alaida Qazaqstan Respýblikasy Prezidentiniń «Ortalyq, jergilikti memlekettik organdar men kvazimemlekettik sektor sýbektilerindegi shyǵystardy qysqartý jónindegi sharalar týraly» 2020 jylǵy 25 mamyrdaǵy ókimimen jergilikti atqarýshy organdar men olarǵa vedomstvolyq baǵynysty memlekettik mekemelerdi qosa alǵanda 3 jyl merzimine keńse jihazyn satyp alýǵa tyiym salyndy», - deidi jobalyq keńsede.
Keńse jihazyn satyp alý jónindegi talaptar ortalyq memlekettik organdar men olarǵa vedomstvolyq baǵynysty memlekettik mekemeler, jergilikti biýdjetten qarjylandyrylatyn atqarýshy organdar jáne olarǵa vedomstvolyq baǵynysty memlekettik mekemeler qurylǵan jaǵdailarǵa qoldanylmaidy.
Osyǵan bailanysty, memlekettik organǵa keńse jihazyn satyp alýǵa qoldanystaǵy tyiym salý týraly habarlama-hat joldandy. Habarlama-hattan keiin memlekettik satyp alýdy júzege asyrý kezinde zań buzýshylyqqa, atap aitqanda, joǵaryda atalǵan ókimniń talaptaryn saqtamaǵany úshin jaýapty laýazymdy tulǵaǵa sógis túrinde tártiptik jaza qoldanyldy.
2020 jyldyń jeltoqsan aiynda jergilikti ýákiletti organmen aýdannyń laýazymdy tulǵalarymen memlekettik satyp alý salasyndaǵy qoldanystaǵy zańnama talaptaryn saqtaý boiynsha jalpyǵa birdei quqyqtyq oqytý ótkizý jáne ókim talaptaryn qaita jetkizý josparlanýda.
