Pavlodarda blogerdiń sómkesindegi paýerbank jarylyp, saldarynan ol kúiik aldy. Oqiǵa ornynda túsirilgen video áleýmettik jelilerde tarady, dep habarlaidy ult.kz.
Telegram-daǵy "Kriminalnyi Kazahstan" arnasynyń málimetinshe, Diliara esimdi bloger oqys jaǵdaidyń jattyǵýdan shyǵyp bara jatqan sátte bolǵanyn aitqan. Onyń sózinshe, áýeli sómkesinen qoiý tútin shyqqanymen, ol muny birden baiqamaǵan. Sómkeni iyǵynan ala bergen kezde ishindegi paýerbank jarylyp ketken.
Jarylystan keiin tutanǵan jalyn qyzdy sharpyp, onyń basy men qolyn kúiik shalǵan. Alǵashqy kómekti fitnes-klýb qyzmetkerleri kórsetken. Alaida órtti ǵimarattan syrtqa shyqqannan keiin ǵana tolyq sóndirý múmkin bolǵan.
Dárigerler alǵan jaraqatty aýyr kúiik retinde baǵalap otyr.
Pavlodar oblystyq densaýlyq saqtaý departamentiniń habarlaýynsha, zardap shekken boijetken aýrýhanaǵa jatýdan bas tartqan.
