© Photo : Polisia.kz
Pavlodarda birneshe mektepke "mina qoiyldy", - dep habarlaidy "Ult aqparat" QR IIM Telegram-kanalyna silteme jasap.
13 aqpanda politsiiaǵa № 34 JOBBM direktorynyń elektrondyq poshtasyna "mektepte mina qoiylǵan" degen mazmunmen habarlama kelgeni týraly aryz túsken.
"Barlyq qyzmetter oqiǵa bolǵan orynǵa shuǵyl jiberildi. Jedel toptyń qyzmetkerleri mektep ǵimaratyna tekserý júrgizdi. 1115 adam evakýatsiialandy, onyń ishinde 950 oqýshy bar. Sondai-aq №35 JBOM-ten 1000 adam evakýatsiialandy.
Tekseris kezinde qandai da bir kúdikti zat anyqtalǵan joq. Osy fakti boiynsha politsiia tekseris júrgizip jatyr" - delingen habarlamada.
Politsiiada uqsas habarlamalar №9 jáne 28 mekteptiń poshtalaryna kelip túskenin aitty. Biraq bilim berý uiymdary quqyq qorǵaý organyna búgin ǵana habar bergen, osyǵan bailanysty evakýatsiia júrgizilmegen.
