Búgin Pavlodar oblysynda 35 adamnyń koronavirýs juqtyrǵany belgili boldy, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiiaǵa silteme jasap.
COVID-19 on eki áiel men on bes erkekten, 3 kishkentai qyz ben 5 ul baladan tabylǵan.
35 naýqastyń ishinde 31 adam - Pavlodar qalasynyń turǵyndary, ekeýi - Ekibastuzdan, taǵy ekeýi - Sharbaqty aýdanynyń turǵyndary. Keibireýleri - bir otbasynyń músheleri.
Syrqattardyń dene qyzýy kóterilip, tyrnys alýy qiyndaǵan, jótel men álsizdik qysqan. Tamaqqa tábeti tómendegen.
12 jasar balaǵa naqtylanbaǵan infektsiialyq emes gastroenterit jáne kolit diagnozy qoiylǵan.
51 jastaǵy áiel Almatydan ushyp kelgen. Aýyra bastaǵanda PTR testileýden ótip, virýs juqtyrǵany belgili boldy.
92 jastaǵy patsientke pnevmoniia diagnozy qoiyldy. Qariia birneshe jyldan beri arterialdy gipertenziia, distsirkýliatorly entsefalopatiia, tserebraldy ateroskleroz aýrýlarymen esepte tur. Ekinshi top múgedegi.
On naýqas buryn aýyrǵandarmen bailanysta bolǵan.
Syrqattar Pavlodar men Ekibastuzdyń infektsiialyq statsionarlaryna jatqyzyldy. Jaǵdailary birqalypty.
Aita keteiik, óńirde 33 adamnan koronavirýs infektsiiasy tabylǵan.
