Pavlodarda bir jarym jasar qyz toǵyzynshy qabattan qulap ketti, - dep habarlaidy Tengrinews.kz agenttigi Pavlodarnews.kz saityna silteme jasap.
Qaiǵyly oqiǵa Tolstoi kóshesi, 90 mekenjaiyndaǵy turǵyn úide bolǵan. Qyz toǵyzynshy qabattan dúkenniń kúnqaǵaryna qulaǵan.
Óńirlik densaýlyq saqtaý basqarmasynyń málimetinshe, balaǵa katatravma, aýyr bas súiek-mi jaraqaty, aýyr dárejedegi bas miynyń soǵylýy, travmatikalyq shok diagnozy qoiylǵan.
"Zardap shegýshiniń jaǵdaiy óte aýyr, ol inotropty qoldaý jáne ókpeni jasandy jeldetý apparatyna qosylǵan", - dep habarlady basqarmada.
Búldirshin oblystyq balalar aýrýhanasynyń jansaqtaý bóliminde jatyr.
