© Sputnik / Timýr Batyrshin
Pavlodarda búldirshinderdi urǵan balabaqsha tárbieshisi jumystan shyǵaryldy, dep habarlaidy «Ult aqparat» oblystyq bilim basqarmasynyń baspasóz qyzmetine silteme jasap.
Pavlodar qalasyndaǵy N79 balabaqshasynyń tárbieshisi búldirshinderdi urǵan. Onyń áreketi beinekameraǵa túsip qalǵan. Ata-analar balabaqsha basshysyna júgingen.
"1 shildede balabaqshanyń orta tobynyń ata-analary basshynyń mindetin atqarýshyǵa beinebaqylaý kameralaryn qaraý týraly ótinishpen júgindi. 26-27 maýsymdaǵy jazbalarda kúnniń ekinshi jartysynda tárbieshiniń balalarǵa dóreki qarym-qatynasy anyqtaldy", - deidi vedomstvodaǵylar.
Basqarmanyń málimetinshe, tárbieshi jumystan shyǵarylǵan. Bilim bólimin ýaqtyly habardar etpegeni úshin barlyq materialdar quqyq qorǵaý organdaryna beriletin bolady.
