Illiýstratsiialyq foto: elements.envato.com
Pavlodarda áielin qyzynyń kózinshe óltirgen 39 jastaǵy er adamǵa sot úkimi shyqty. Pavlodar oblysynyń qylmystyq ister jónindegi mamandandyrylǵan aýdanaralyq soty ony 15 jylǵa bas bostandyǵynan aiyrdy. Sonymen qatar, ol jábirlenýshi tarapqa 10 million teńge kóleminde moraldyq shyǵyn óteýi tiis, - dep habarlaidy Tengrinews.kz tilshisi.
Is materialdaryna sáikes, byltyr shildede Pavlodar turǵyny áieline 28 pyshaq jaraqatyn salǵan. Oqiǵa kýágeri - onyń 19 jastaǵy qyzy. Marqum Sýrova osy oqiǵaǵa deiin "NeMolchi" qoryna ótinish bergen eken.
"Antonida ómir súrgisi keldi, sońǵy ret 2021 jyly 7 mamyrda sóilesti, óletinin bilgendei, kózine jas alyp: "Dina, ne isteýim kerek? Men balalarǵa kerekpin" - dedi. 2021 jyly 6 shildede ol kúieýiniń qolynan qaza tapty", - dep jazdy qoǵam belsendisi Dina Tańsári Facebook-paraqshasynda.
