Foto: ashyq derekkóz
Pavlodar qalasynda qaiǵyly jaǵdai boldy: áiel adam óz úiiniń besinshi qabatynan eki balasyn terezeden laqtyryp jiberip, artynan ózi de sekirip ketken. Bul týraly shuǵyl habar jedel járdem qyzmetine 30 shilde kúni saǵat 13:00 shamasynda jolai ótip bara jatqan kýágerden túsken, dep habarlaidy Ult.kz.
Jedel meditsinalyq járdem qyzmetiniń baspasóz qyzmeti taratqan málimetke sáikes, oqiǵa Nurmaǵambetov kóshesinde bolǵan. Oqiǵa ornyna birinshi sanattaǵy jedeldik boiynsha úsh jedel járdem brigadasy jiberilip, alty minýt ishinde jetken.
Aldyn ala aqparatqa súiensek, zardap shekkenderdiń jaǵdaiy óte aýyr. Balalar oblystyq balalar aýrýhanasyna jatqyzylsa, áiel adam Pavlodar qalalyq №1 aýrýhanasyna jetkizilgen.
Qazirgi ýaqytta oqiǵanyń naqty mán-jaiy anyqtalý ústinde.
