Pavlodarda jol-kólik apaty saldarynan eki bala men eki eresek adam aýrýhanaǵa tústi, dep habarlaidy "Ult aqparat".
«14 mamyr kúni saǵat 7:43-te Pavlodar qalasynda №38 baǵdarly avtobýstyń 44 jastaǵy júrgizýshisi Toraiǵyrov kóshesimen kele jatyp, akademik Bekturovtyń kóshesimen qiylysta kólikti basqara almai, jaryq baǵanasyna, jol belgisi men jarnama qalqanyna soǵyldy», - dep málim etti Pavlodar oblystyq politsiia departamentiniń baspasóz qyzmetinen.
Jol apaty saldarynan 2001 jáne 2004 jylǵy eki bala men eki eresek adam aýrýhanaǵa jetkizildi.
Meditsinalyq tekserý qorytyndysyna sáikes, júrgizýshiniń alkogoldik ishimdik ishpegeni belgili boldy.
«Atalǵan fakt tirkeldi, arnaiy saraptamalar belgilengen. Tekserý jumystary júrgizilýde, oqiǵa ornynda politsiia qyzmetkerleri jumys istep jatyr», - dep qosty oblystyq PD-dan.
