Pavlodarda stýdentter úiiniń qabyrǵasynda «Alash» qozǵalysynyń kóshbasshylary beinelendy, dep habarlaidy QazAqparat.
Pavlodar qalalyq ákimdigi ókilderiniń aitýynsha, mýraldyń avtory jas sýretshi Laýra Seitqazinova. Ol 29 jasqa tolmaǵan talantty sýretshiler arasyndaǵy Qazaqstan Respýblikasy Táýelsizdiginiń 30 jyldyǵy taqyrybynda «Strit Art» úzdik eskiz baiqaýynda jeńimpaz atanǵan.
Pavlodar pedagogikalyq ýniversitetiniń tárbie isi jáne áleýmettik máseleler jónindegi prorektory Olga Andriýshenko Pavlodar qalasy ákimdiginiń ókilderine stýdentter úiiniń ǵimaratyn mýraldy beineleitin oryn retinde tańdaǵany úshin alǵys aitty.
«Alash» syilyǵynyń iegeri, aqyn, qoǵam qairatkeri, Pavlodar qalasynyń qurmetti azamaty Arman Qani Kerekýde ashylǵan mýraldyń – óner týyndysy ǵana emes, saiasi ideologiialyq máni zor kórneki qural bolyp tabylatynyn aitty.
