Energetika ministri men Pavlodar oblysynyń ákimi Pavlodardyń energetika jáne munai-himiia kásiporyndaryn aralady, dep habarlaidy "Ult aqparat".
Oblys ákimdigi baspasóz qyzmetiniń Telegram paraqshasyndaǵy málimetke sensek, QR Energetika ministri Nurlan Noǵaev Pavlodar oblysyna jumys saparymen keldi. Óńir basshysy Ábilqaiyr Sqaqov ekeýi 1 qarashada Pavlodarda eki jylý elektr ortalyǵynda, Pavlodar munai-himiia zaýytynda jáne «Neftehim LTD» JShS-de bolǵan.
«Qazaqstan aliýminiii» AQ quramyna kiretin 1-JEO-da olarǵa qalany elektrmen jáne jylýmen jabdyqtaý týraly aityldy. Stantsiianyń qazirgi elektr qýaty – 340 MVt, al jylý qýaty - saǵatyna 1074 Gkal. Kásiporynnyń áleýmettik bastamalary týraly da sóz boldy.
- Bizdiń joǵary oqý ornymyz – Toraiǵyrov ýniversitetinde energetikterdi daiarlaidy, olardyń kóbi bizge jumysqa ornalasady. Barlyq jas mamandy qosymsha oqytamyz, olardy barynsha qoldaýǵa tyrysamyz, - dedi 1-JEO bastyǵy Ilia Rojkov.
«Pavlodarenergo» AQ bólimshesi 3-JEO-da Nurlan Noǵaev pen Ábilqaiyr Sqaqovqa negizgi jabdyqtardy modernizatsiialaý týraly baiandaldy. Mysaly, biyl energetikter №6 týrbinany qaita qurdy.
TMD-da teńdesi joq jańa tehnologiia arqasynda kásiporyn ǵimaraty irgetasynyń buzylýyna ákeletin vibratsiiadan qutyldy.
- №6 týrbinada Qazaqstanda alǵash ret jabdyqtyń jumysy týraly barlyq derekterdi onlain rejimde biryńǵai pýltke jiberýge múmkindik beretin boljamdaý júiesi ornatylǵan. Eger qandai da bir kórsetkish ózgerse, júie qurylǵynyń jóndeýge tiis ýaqytyn birden anyqtap beredi. Bul modernizatsiia jumysyn ýaqtyly josparlaýǵa múmkindik beredi,- dedi «Pavlodarenergo» AQ basshysy.
Jylý elektr ortalyǵynan qalaǵa jylý berý búgin shtattyq rejimde júrip jatyr. Kásiporyn qoimalaryndaǵy kómir qory - 200 myń tonna (normativ boiynsha 70 myń tonna).
«Neftehim LTD» JShS bazasynda energetika ministri jáne Pavlodar oblysynyń ákimi metiltretbýtilefir jáne polipropilen óndirý tsehtarynda boldy.
Biyl zaýyt polipropilen shyǵarý kólemin 40 myń tonnaǵa deiin jetkizýdi josparlap otyr. Ótken jáne burynǵy jyldary bul kórsetkish shamamen 33 myń tonnany quraǵan bolatyn.
Polipropilennen big-beg - kólemi 1 tonnalyq úlken qaptar jáne basqa da ydystar óndiriledi.
Pavlodar munai-himiia zaýytynyń aýmaǵynda qonaqtar ortalyq basqarý pýlti men oqý ortalyǵyn aralady.
«PMHZ» JShS ókilderi 2017 jyly óndiristi jańǵyrtqannan keiin kásiporynda ónim sapasyn K-4 jáne K-5 standarttaryna deiin jaqsartyp, munai óńdeý tereńdigin 76%-dan 87%-ǵa deiin arttyrǵanyn aitty.
