Pavlodar oblystyq Politsiia departamentiniń baspasóz qyzmeti Aqsý aýdany Bereke kentiniń turǵyndary arasynda janjaldyń neden shyqqanyn túsindirdi, dep habarlaidy "Ult aqparat".
Pavlodar oblystyq Politsiia departamentiniń habarlaýynsha, atalǵan oqiǵa bailanysty QR Qylmystyq Kodeksiniń 380-baby 1-bólimine sáikes sotqa deiingi tergeý bastaldy.
Aita ketetin másele, politsiia osyǵan deiin mal urlyǵynyń aldyn alý maqsatynda jáne «Metallogamma», «NewHantamurNC» JShS-nan «mikrosfera» kúl-qoqys shikizatyn jappai urlaý áreketine bailanysty Aqsý óńirindegi Aqjol jáne Bereke aýyldaryna mobildik beket qoiǵan. Ol eldi mekennen 15 shaqyrym qashyqtyqta ornalasqan, iaǵni adamdardyń erkin júrip-turýyna esh kedergi keltirmeidi. Sondai-aq mobildik beket qoiylǵaly aýmaqta mal urlyǵy 35%-ǵa azaiǵan.
«Qalqaman aýylynyń janynda ornalasqan mobildik beketke aýyl turǵyndary tiisti qujattarsyz «mikrosfera» kúl-qoqys shikizaty tasymaldanyp jatqany týraly habar berdi. Al 2020 jyldyń 13 mamyry kúni saǵat 17:30-da mobildik beketke Bereke kentiniń 30 shaqty turǵyny kólikterimen politsiia qyzmetkerlerine qoqan-loqy jasap, olardyń múlkin zaqymdap, oqiǵa ornynan ketýin talap etti. Qalyptasqan janjaldyń ýshyǵýyna jol bermeý maqsatynda politsiia qyzmetkerleri arnaiy quraldardy qoldanyp, bos patronmen aspanǵa oq atyp eskertý jasap, aýyl turǵyndarynyń áreketin toqtatty», - delingen politsiia málimetinde.
Joǵaryda kórsetilgen is-áreketten keiin qalyptasqan másele sheshilip, aýyl turǵyndary úilerine tarasty.
Politsiia qyzmetkeriniń áreketi boiynsha, Ózindik qaýipsizdik basqarmasy Qazaqstan Respýblikasy Qylmystyq kodeksiniń 361 – baby 1-bólimine sáikes, sotqa deiingi tergeýdi bastady. Sonyń barysynda politsiia qyzmetkerleriniń is-áreketine quqyqtyq baǵa beriledi. Tergeý aiaqtalǵansha, politsiia qyzmetkeri atqaratyn qyzmetinen shettetildi.
Videoda rolik avtory aýyl turǵyndarynyń politsiiaǵa qoqan-loqy jasaý áreketteri bar jerlerin videodan alyp tastaǵany kórinip tur. Bul kezde politsiia aýyl turǵyndarynyń zańsyz áreketin túsindirgen», - delingen habarlamada.
