Pavlodarǵa dárilik preparattardyń taǵy bir partiiasy kelip tústi. Sonyń arqasynda aimaqtyń dárihanalary bir aiǵa jeterlik dári-dármekpen qamtamasyz etildi, dep habarlaidy Pavlodarnews.kz.
Pavlodarǵa qyzýdy túsiretin, virýsqa qarsy preparattar, antibiotikter men antikoagýlianttar, sonyń ishinde meropenem, tsefiksim, ostelamivir, kagotsel, ingavirin jáne deksametazon siiaqty 600 myńnan astam dári-dármek kelip tústi. 26 tonna dári 1-2 kúnniń ishinde oblystyq dárihanalarǵa taratylady. Dári-dármekterdi bólý salalyq qaýymdastyq ókilderiniń qatysýymen ótedi. Olardyń kólemi ár qalada jáne aýdanda epidemiologiialyq jaǵdaiǵa bailanysty esepteledi.
- Bul dári-dármekterdi alýǵa Pavlodar oblysynyń kez kelgen dárihanasy júgine alady, - deidi «Kazmedfarm» Pavlodar oblysynyń dárigerler, farmatsevtter jáne farmatsevter qaýymdastyǵynyń múshesi Áliia Janina. - Jalpy, oblysta 282 dárihana bar. Olardyń árqaisysy turaqtandyrý qoryn qurýǵa arnalǵan dári-dármekterdi ala alady.
26 shilde kúni Pavlodarǵa 700 myńnan astam dári-dármek tiegen ushaq qondy. Bul jáne jańa dári-dármekter partiiasy aimaqtyń dárihanalaryn kem degende bir ailyq dári-dármekpen qamtamasyz etti. - Biz dári-dármekterdi Nijnii Novgorodtan ushaqpen jetkizýge arnaiy tapsyrys jasadyq, - dedi Pavlodar oblysy ákiminiń orynbasary Asaiyn Baihanov. - Óitkeni olardy tezirek qabyldaý kerek boldy. Al kólikpen ol úshin bir aptadan astam ýaqyt ketetin edi. Búgingi kúni jetkizilgen dárilik preparattardyń sany 1 million 300 myńnan asady. Bul rezerv sarapshylardyń boljamyna sáikes, bir aidan astam ýaqytqa jetýi kerek.
Dárilik zattardy turaqtandyrý qory aiasynda jetkizý jumystary jalǵasady.
Esterińizge sala keteiik, olar dárihanalar alatyn dári-dármekterdiń turaqty kólemine qosymsha jetkiziledi. Pavlodar oblysyndaǵy turaqtandyrý qory aimaqtyq dárihanalarda JRVI, pnevmoniia jáne KVI-ge qarsy dári-dármekterdi keminde bir aiǵa qamtamasyz etý úshin quryldy. Qor oblys ákiminiń tapsyrmasy boiynsha «Pavlodar» ÁKK men iri farmatsevtikalyq kompaniia arasynda ainalym qarajatyn qaitarý jáne maqsatty paidalaný sharttarymen nesie berý týraly kelisim jasasý arqyly júzege asyp otyr.
