Pavlodar oblysynyń ákimi Bolat Baqaýov ońtústik óńirlerdiń turǵyndaryna jer ýchaskelerin bólýge ázir ekenin aitty, dep habarlaidy "Ult aqparat".
«Ońtústikten soltústik óńirlerge qonys aýdarý taqyrybyna toqtalsaq, biyl 377 otbasy kóship keldi (1665 adam). Eger isker adam bolsa, onda ol jergilikti jaǵdaiǵa tez beiimdeledi. Máselen, ońtústikte jer telimin alý qiyndaý. Al bizdiń oblysqa keletinderge jer ýchaskesin berýge daiynbyz», - dedi oblys ákimi Ortalyq kommýnikatsiialar qyzmetinde.
Osy oraida ol búginde Pavlodar oblysynda aýyl sharýashylyǵyn damytý boiynsha baǵdarlamalar az emes ekenin eske saldy.
«Kóship kelgender túrli salada jumys isteidi. Bireýler zaýytqa ornalassa, qalǵandary aýyl sharýashylyǵy salasyn tańdaidy. Biz aýyldyq jerlerdegi arzan turǵyn úilerdi tabýǵa, satyp alýǵa kómektesýge ázirmiz. Atap aitqanda, biyl árbir otbasyǵa 7 tonnadan kómir bóldik. Pavlodar oblysyna kelýge nietti adamdardy yntalandyrý sharalaryn jalǵastyramyz», - dedi Bolat Baqaýov.
