Pavlodar oblysynyń ákimi Ábilqaiyr Sqaqov óńirdegi kómir baǵasyn tómendetý úshin atqarylatyn jumystardy atady, dep habarlaidy pavlodarnews.kz.
«Elimizdegi kómirdiń úshten bir bóligi bizde óndirilgenimen halyqqa 18 myń teńgege satylatyny aqylǵa qonymsyz. Bul jaǵdaidy ózgertý úshin turǵyndarǵa kómir jetkizý shemasy men logistikany ońtailandyramyz. Pavlodar oblysy turǵyndary úshin kómir baǵasynyń optimaldy deńgeige deiin túsýin talap etemiz», - dedi halyq aldynda esep bergen Ábilqaiyr Sqaqov.
Óńir basshysy elimizdegi kómirdiń 60 paiyzy Ekibastuzda óndiriletinin atap ótti.
«Pavlodar oblysynyń ereksheligi nede? Eldegi saz balshyq pen aliýminiidiń 100 paiyzy bizdiń aimaqta óndiriledi. Ferroqorytpa óndirisiniń 62 paiyzy – Aqsýda, sondai-aq elektr energiiasynyń 42 paiyzy bizde óndiriledi. Bul - óte zor múmkindikter. Bizdiń mindetimiz - osy jetistikterdi saqtaý. Men osy óńirde týyp-ósken azamat retinde oblysymyzdy órkendetýge bar kúsh-jigerimdi salamyn», - dedi oblys ákimi.
