پاۆلودار وبلىسىنىڭ ەكٸمٸ ەبٸلقايىر سقاقوۆ ٶڭٸردەگٸ كٶمٸر باعاسىن تٶمەندەتۋ ٷشٸن اتقارىلاتىن جۇمىستاردى اتادى, دەپ حابارلايدى pavlodarnews.kz.
«ەلٸمٸزدەگٸ كٶمٸردٸڭ ٷشتەن بٸر بٶلٸگٸ بٸزدە ٶندٸرٸلگەنٸمەن حالىققا 18 مىڭ تەڭگەگە ساتىلاتىنى اقىلعا قونىمسىز. بۇل جاعدايدى ٶزگەرتۋ ٷشٸن تۇرعىندارعا كٶمٸر جەتكٸزۋ سحەماسى مەن لوگيستيكانى وڭتايلاندىرامىز. پاۆلودار وبلىسى تۇرعىندارى ٷشٸن كٶمٸر باعاسىنىڭ وپتيمالدى دەڭگەيگە دەيٸن تٷسۋٸن تالاپ ەتەمٸز», - دەدٸ حالىق الدىندا ەسەپ بەرگەن ەبٸلقايىر سقاقوۆ.
ٶڭٸر باسشىسى ەلٸمٸزدەگٸ كٶمٸردٸڭ 60 پايىزى ەكٸباستۇزدا ٶندٸرٸلەتٸنٸن اتاپ ٶتتٸ.
«پاۆلودار وبلىسىنىڭ ەرەكشەلٸگٸ نەدە? ەلدەگٸ ساز بالشىق پەن اليۋمينييدٸڭ 100 پايىزى بٸزدٸڭ ايماقتا ٶندٸرٸلەدٸ. فەرروقورىتپا ٶندٸرٸسٸنٸڭ 62 پايىزى – اقسۋدا, سونداي-اق ەلەكتر ەنەرگيياسىنىڭ 42 پايىزى بٸزدە ٶندٸرٸلەدٸ. بۇل - ٶتە زور مٷمكٸندٸكتەر. بٸزدٸڭ مٸندەتٸمٸز - وسى جەتٸستٸكتەردٸ ساقتاۋ. مەن وسى ٶڭٸردە تۋىپ-ٶسكەن ازامات رەتٸندە وبلىسىمىزدى ٶركەندەتۋگە بار كٷش-جٸگەرٸمدٸ سالامىن», - دەدٸ وبلىس ەكٸمٸ.
