Pavlodar oblysynyń Aqsý qalasyndaǵy kolledjderdiń birinde oqytýshynyń túsiniksiz áreketi videoǵa túsip qalǵan. Bul derek boiynsha qyzmettik tergeý bastaldy, - dep habarlaidy Tengrinews.kz.
Kerek.pv Telegram-arnasynda muǵalimniń oqý-tárbie protsesindegi áreketi beinelengen video paida boldy. Kadrda oqytýshynyń oqýshylar ústelinen oqýlyqtardy jinap alyp, "sender maǵan ádeii istep jatsyńdar", "moinymda 20 myń teńge" degen sózdermen edenge laqtyryp jatqany kórsetilgen.
Video tarap ketken soń, kolledj basshylyǵy muǵalimniń minez-qulqyna pikir bildirdi.
"Aǵylshyn tili pániniń muǵalimi M.A.-ǵa qatysty video. Pedagogikalyq ádep jónindegi komissiia qyzmettik tekserý júrgizip jatyr. Qyzmettik tekserý nátijesi boiynsha shara qoldanylady", - dep jaýap berdi Jaiaý Musa atyndaǵy Aqsý joǵary kópsalaly kolledjiniń direktory Alma Aitaýrova.
Aita keteiik, buǵan deiin bul oqytýshy "Qazaqstan Respýblikasynyń Qurmetti azamaty" respýblikalyq baiqaýynyń laýreaty atanǵan bolatyn.
