Pavlodar oblysynda meditsina qyzmetkeri koronavirýs infektsiiasyn juqtyrdy, dep habarlaidy "Ult aqparat".
Buǵan deiin habarlaǵanymyzdai, 10 sáýir saǵat 20.15-tegi jaǵdai boiynsha, Qazaqstanda koronavirýs indetine shaldyqqan taǵy 6 adam anyqtaldy. Onyń ishinde Pavlodar oblysynda – 1 adam.
Pavlodar oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetine sáikes, infektsiiany juqtyrǵan azamat 24 jasta. Ol oblys ortalyǵynda jedel járdem stantsiiasynyń feldsheri bolyp jumys isteidi.
«Ol koronavirýs infektsiiasynan qaza bolǵan adammen bailanys jasaǵan. Naýqastyń jaǵdaiy qanaǵattanarlyq, temperatýra men shaǵymdary joq. Onymen bailanysta bolǵan 88 tulǵa anyqtaldy. Barlyǵy oqshaýlandyryldy», - delingen aqparatta.
Sońǵy málimet boiynsha, Pavlodar oblysynda koronavirýs jalpy 4 adamnan anyqtaldy. Barlyq óńirdegi naýqastar sany - 808.
